የጽድቅ ውሳኔና በረከት

የጽድቅ ውሳኔና በረከት

ይህ ጽሁፍ የሚያተኩረው ዳን 1፡1-10 ላይ ነው፡፡

መግቢያ ነጥቦች ፡-

• እስራኤላውያን በባቢሎናውያን መማረክና መወሰድ

        ------->የእግዚአብሄር ፈቃድ ነበረ(ኤር 27፡6)

• የዳንኤል የጽድቅ ውሳኔ “እንዳይረክስ በልቡ አሰበ”

        -------->ይህ ውሳኔ እጅግ ጠቃሚ ውሳኔና የዳንኤል የስኬት ምንጭ ነበር

ዳንኤል እንዳይረክስ በልቡ ያሰበው ፡-

• የብሉይ ኪዳንን ህግጋት ጠንቅቆ ያውቅ ስለነበረ ነው

• ለጣኦት የተሰዋ ምግብ እንደሚያረክሰው ስለሚያውቅ ነበር

• ለጣኦት የተሰዋን ምግብ መብላቱ ቃል ኪዳኑን መስበር እንደሆነም ስላሰበ ነበር

• ይህንን ውሳኔ ደግሞ በእግዚአብሄር ጸጋና ረድኤት አደረገው

ዳንኤል እና ጓደኞቹ በባቢሎን ነበሩ ነገር ግን የባቢሎን አልነበሩም፡፡ውስጣዊ ለውጥ (inner conviction) ውጫዊ ጫናን ያሸንፋልና ነው፡፡ጉልህ የሚታዩ ትምህርታዊ ነጥቦች፡-

• የእግዚአብሄር ሉአላዊነት በዚህ ክፍል ውስጥ በሚገባ ታይቷል

• የእግዚአብሄር በፈተና ውስጥ ያለው አቅርቦት እና ረድኤት በሚገባ ተስተውሏል

• የዳንኤል ዲሲፕሊን ፡‹‹አሰበ›› በእንግሊዝኛው ‹‹he purposed in his heart>> ማለትም የምናስበው ነገር የምናደርገውንና ምርጫችንን እንደሚወስን ያስገነዝበናል

• ዳንኤል ክፉውንና መልካሙን የመለየት ችሎታ(discernment) ነበረው

• ዳንኤል ጽናት ነበረው፡-ዋናው ቁም ነገር መጀመራችን ሳይሆን መጨረሳችን ነው

ከተወሰዱት እርምጃዎች የተነሳ የታዩት አዎንታዊ ለውጦች፡-

• ዳንኤል በባቢሎን ኢምፓየር ከፍ አለ

• ትልልቅ አስደናቂ ትንቢቶችን ተቀበለ

• እየሱስ ያጸደቀው ነቢይ ሆነ ማቴ 24፡15

• ከእነ ኖህና እዮብ ጋር ሁሉ ተቆጠረ  እዝ 14፡14

• ጓደኞቹ በየአውራጃው ላይ ተሾሙ ዳን 2:49

ነገር ግን ሊታወቅ የሚገባው ነገር የዚህ ሁሉ ክስተት ባለቤት ደራሲ እግዚአብሄር ነበረ፡፡በእኛም ህይወት ደራሲው እሱ ነው፡-

• እግዚአብሄር እራሱ አሳልፎ ሰጣቸው ዳን 1፡2

• እግዚአብሄር እራሱ በባለስልጣኞቹ ፊት ሞገስን ሰጣቸው

• እግዚአብሄር ጥበብን፤ችሎታንና ማስተዋልን ሰጣቸው ዳን 1፡17

ስለዚህ በአለም ምናምንቴ ነገር እንዳንረክስ፤በእግዚአብሄርም በሰውም ፊት ሞገስ እንድናገኝና ጥሩ የህይወት ምስክርነት እንዲኖረን ሶስት ነገሮችን እናድርግ ፡-

• ባላጋራችን ዲያቢሎስ የሚውጠውን ፈልጎ(ሊያረክሰን) እንደሚያገሳ አንበሳ በዙሪያችን ይዞራልና ጸንተን እንቃወመው

• ይህንን አለም እንዳንመስልና እንዳንወሰድ በልባችን መታደስ እንለወጥ ፡-ቃሉን እናጥና፣እናሰላስል፣እናስብ

• በዙሪያችን ብዙ የሚያረክሱ ነገሮች አሉና እንንቃ ብሎም ጨክነን እምቢ እንበል፡-በዚህ ዙሪያ ጸጋ እንዲበዛልን ጠንከር ያሉ ጸሎቶችን እንጸልይ

እነዚህን ከላይ የተጠቀሱትን ሶስት እርምጃዎች ብንተገብር በሰዎች ላይ ልዩ የህይወት ተጽእኖና ምስክርነት ይኖረናል፡፡እግዚአብሄር ሆይ እርዳን!